Joan den urriaren 28an autokontsumo partekatuko komunitate energetikoa sortzeko bilera egin zuten Anoetan. Bileraren ondoren, komunitate horretan parte hartu nahi duten herritarrentzako izena emateko epea zabaldu dute. Hilaren 14ra arte egin daiteke.
Udalak jakin nahi du zenbat herritarrek duten asmoa komunitate energetikoan parte hartzeko. Ondoren, izena ematen dutenekin elkartea sortu eta xehetasun guztiak zehazteko bilera bat egingo dute azaroaren 19an.
Izena emateko orria, udaletxeko harreran zein Anoeta.eus webgunean dago eskuragarri. Bi modutara aurkez daiteke formularioa: udaletxean bertan entregatuta, edo bestela, betetako orria harrera@anoeta.eus helbidera bidalira.