Anoetako Udalak Galbaio eremuan 44 herri baratzeak esleituko ditu. Baratze hauetako bat lortu nahi duenak izena eman beharko du aurrez. Urriaren 5era arteko epea dute erabiltzaileek horretarako.
Herri baratzeetan izena eman beharko dute orain arteko erabiltzaileek nahiz berriek. Eskaera orria beteta eta NANren fotokopia aurkeztu beharko dira udaletxean, 09:00etatik 13:00etara. Erregistro elektroniko bidez ere egin daiteke izen ematea.