Iraila Haur Minbiziaren Elkartasun hilabetea da mundu mailan. Urtero bezala, Aspanogik bat egin du Chilhood Cancer Internationalek, Espainiako Niños con cancer federazioak eta Euskadiko Umeekin federazioak abiarazitako kanpainarekin.
Testuinguru honetan, Gipuzkoako hainbat udalerritan, tartean Anoetan, Pankarta ibiltaria kanpaina jarri dute martxan Aspanogitik, gizarteak haur minbiziaren inguruko kontzientzia hartzen laguntzeko. Astebetez, irailaren 9tik 15era bitarte, Anoetako udaletxeko balkoian izan dute urrezko begizta eta logo pirata duen pankarta adierazgarria.
Modu honetan, Anoetako herria gaixotasun honen inguruan kontzientziatzea da helburua eta hainbat familiak bizi duten egoerari ikusgarritasuna ematea.