Txirrindulari bat hil zen atzo arratsaldean Anoetan ibilgailu batek harrapatuta, GI-3630 errepidean, Alkizarako bidean.
Istripua 20:00 aldera gertatu zen. Ibilgailu batek txirrindularia harrapatu eta zauri larriak eragin zizkion. Bertaratutako osasun-langileek haren bizitza salbatzeko eginahalak alferrikakoak izan ziren eta lekuan bertan baieztatu zuten txirrindulariaren heriotza. 53 urteko zizurkildarra da.
Ertzaintzak zer gertatu den argitzeko ikerketa abiatu du. Zenbait iturrik baieztatu dute gidaria atxilotu zutela bart bide segurtasunaren aurkako delituagatik eta zuhurtziagabekeriazko hilketagatik. Epailearen aurretik pasa zain dago.