Anoetako herriak festen bigarren txanpari ekin dio gaur arratsaldean, udaletxeko balkoitik botatako suziriarekin. Aurten, Anitz dantza taldeko kideek egin dute pregoia. Ohiturari jarraituz, anoetarren ikur den kukuak elizako kanpandorretik udaletxera bitarteko bidea egin du, plazan bildutako eta tanborradan parte hartzen aritu diren umeen begiradapean.
Hasierako momentuaren ondoren, herriko eragileek antolatutako brindisa izan da eta, segidan, Kuku elkarteak antolatutako sardina jatea. Gaurko eguna, Iratzar erromeria taldearekin amaituko dute.
Bihar da festetako egun handia Anoetan. Umeentzako ekitaldiak izango dira goiz partean eta, gauean, eragileek antolatutako herri mugimenduaren afaria eta mozorro gaua izango dituzte.
- Ekainak 19 OSTEGUNA
-
- Korputs Eguna, ume eta mozorro eguna
- 10:30-13:30. Haur parkea eta apar festa, plazan.
- 17:00. Haur ikuskizuna plazan: Garbijai!.
- 19:00. Anoetako buruhandi-erraldoien eta Irurako erraldoien kalejira Anoetako txistulari taldearekin. Ekarri zure buruarinak ere!
- 21.00. Saiheski jatea plazan, Anoetako eragileek antolaturik.
- 23:00. Alarma Morea eta Modus Operandi musika taldeak plazan.
-
