Anoeta FT areto futboleko gazte mailako taldeak ohorezko mailan jokatzeko txartela lortu dezake, bihar, etxean. Hiru talderen artean jokatuko dute igoera, Abraham Olano kiroldegian. Gipuzkoako txapeldun bezala ariko da Anoeta FT, Bizkaiko txapeldun bezala Santutxu eta Arabako txapeldun bezala Corazonistas de Vitoria. Hiru taldeek elkarren aurka partidak jokatuko dituzte, beraz, guztira hiru neurketa ikusteko aukera izango da.
Igoera fasea jokatuko dela aprobetxatuz, hainbat ekitaldi egingo dira goizean zehar, partiden arteko atseden tarteak aprobetxatuz.
Egitaraua
- 10:20. Zuzeneko kontzertua, 'Zurekin batera' abestia.
- 10:30. Lehen partida. Anoeta FT vs. Corazonistas de Vitoria.
- 11:10. Umeentzat jolasak eta sariak irabazlearentzat.
- 11:30. Bigarren partida. Santutxu vs. lehen partidako galtzailea.
- 12:10. AFT Zestaren zozketa.
- 12:30. Hirugarren partida. Santutxu vs. Lehen partidako irabazlea.
- 13:10. Jokalariei sari banaketa.