Anoetako webguneak atal berria du: Galdu & Aurkitutako gauzen gunea. Atal berrian, galdu edo aurkitutako objektuen argazkiak eta deskribapenak aurki daitezke. Objektu horiek guztiak Anoetako Udalean gordeta daude, eta arrazoizko denbora bat igarotzean, jabeek ez badituzte berreskuratzen, haiei bigarren bizitza emateko ahalegina egingo da edo hondakin gisara tratatuko dira.
Herritarrek astelehenetik ostiralera, udal ordutegian, udaletxera bertaratu beharko dute galdutako objektuak berreskuratzeko edo aurkitutakoak entregatzeko. Zerbitzu honen bidez, Anoetako Udalak herritarren artean elkarlana eta ardurazko jarrera sustatu nahi ditu, herriko ondasunen zaintza eta berreskurapena erraztuz.
Hemen kontsultatu daiteke webgunea.