Maiatzaren 10ean, larunbata, 10:00etatik 13:30era eskainiko da gizontasun ereduari buruz hausnartzeko saioa; parte hartu nahi dutenek maiatzaren 7a baino lehen eman beharko dute izena.
Anoetako Udalak gizonentzat tailerra antolatu du maiatzaren 10erako. Gizontasunak desmuntatzen: indarkeriatik aukera feministetara izenburua eramango du eta gela balio anitzeko gelan eskainiko dute maiatzaren 10ean, 10:00etatik 13:30era.
Eihera, eraldaketa feminista eta LGTBI+ prozesu propioak diseinatu, garatu eta ahalbidetzen dituen kooperatibak eskainiko du saioa. Izen emateak maiatzaren 7ra arte egin daitezke Anoetako udaletxean edota parekidetasuna@anoeta.eus helbidean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!