Intza Egiguren futbolari anoetarrak 2028 bitarteko hitzarmena sinatu du Realarekin, eta lehen taldearen dinamikan sartu da. Modu horretan talde txuri-urdinak harrobiko filosofiaren aldeko apustua egiten jarraitzen duela azaldu du, «etxeko jendeari aukera emanez». Egiguren, bigarren taldeko jokalaria, lehen taldeko dinamikan egongo da harrobiko taldearekin ere jokatzeko aukera izango duelarik. Realak bere aldeko apustua egin nahi du «etorkizuneko proiektu» gisa.
Anoetakoak aurten egin du debuta lehen taldearekin, FC Barcelona taldearen aurkako neurketan, hain zuzen. Harrobiko jokalaria protagonista izan da bigarren taldean liga nazionaleko jokalari garrantzitsuenetariko bat izan delarik. Egigurenek 27 zenbakiarekin jokatzen jarraituko du lehen taldean.