Anoetako Udalak klimaterioaren inguruko ikastaroa antolatu du Sexuneko Elene Jimenez sexologoaren eskutik. Ematen diren aldaketa fisikoetatik harago doan garaia da menopausia eta horren inguruan ariko dira ikastaroan: nahiak, gogoak egitasmoak eta harremanak. Jendarteko espektatibak, diskurtsoak eta bizipen askotarikoak ezagutu, partekatu, onartu eta gogoeta egiteko aukera izango da saioetan. Azaldu dutenez, zailtasunak kudeatzeko eta hobeto bizitzeko gunea izango da ikastaroa.
Ostegunetan izango dira saioak 18:00etatik 20:00etara; urtarrilaren 16 eta 30an; otsailaren 6 eta 20an; martxoaren 13an; eta apirilaren 3 eta 10an.
Parte hartzeko bost euro ordaindu beharko dira eta izen emateak liburutegian egin beharko dira urtarrilaren 15a baino lehen. Bestela parekidetasuna@anoeta.eus helbidera idatzita ere egin daitezke izen emateak.