Giltzarrapo elektronikoak jarri dituzte Anoetako plaza, Errotaldea, Lasarbe 5 eta Edurka eremuetako auzokonpostaje guneetan. Udalak jakinarazi duenez, epe laburrean jarriko dira kandaduak gainerako guneetan. Giltzarrapo elektronikoa irekitzeko giltza eskuratu ez duenak udaletxean eman beharko du izena.
Auzokonpostaje guneen erabilerarako irizpideak zehazten dituen orria Eguberrien aurretik helarazi zuten etxe guztietara. Hala ere, kezka edo zalantzaren bat duenak ingurumena@anoeta.eus helbidera idatzi dezakeela jakinarazi dute udal arduradunek.