Realaren bigarren taldean jokatzen duen Jon Balda (Anoeta, 2022) berehalakoan ahaztuko ez dituen asteak bizitzen ari da. Azaroaren 21ean, lehen taldearekin egin zuen debuta, Errege Kopako lehen kanporaketan. Jove Español taldearen aurka jokatu zuen partida Realak, Alacanten, eta Imanol Alguacil entrenatzaile oriotarrak hasierako hamaikakoan zelairatu zuen anoetarra. Baldak 67 minutu jokatu zituen, eta sare sozialetan adierazi zuenez, txikitako ametsa bete zuen.
Handik egun gutxira, Realak komunikatu ofiziala argitaratu zuen: «Realak eta Jon Balda atzelariak akordioa lortu dute kontratua 2026-2027 denboraldiaren amaierara arte luzatzeko. Ezker hegaleko atzelari anoetarra infantila zenean iritsi zen klubera, eta gaur egun, Realeko bigarren taldean jokatzen du; pasa den uztailean, lehen taldearekin egon zen Japonian, bertan egindako aurre-denboraldiko prestaketan.
Azkenik, atzo, Amorebietaren aurka Zubietan jokatutako ligako partidan, gol ikusgarria egin zuen Baldak. 2-0 irabazi zuen Realak, eta Baldak talde txuri-urdinaren bigarren gola egin zuen. Denboraldi honetan egin duen bigarren gola da.
Bideoa: FEF TV