Anoetan Euskararen eguna ospatzen hasi dira herriko gaztetxoak. Ikastolako euskara elkarteak antolatu ditu jolasak herriko plazan eta taldetan banatuta aritu dira umeak jolasean. Elkartasuna adierazteko aukera ere izango dute bertaratutakoek, txokolatada egingo baitute Arberoako ikastolaren alde. Joan den urrian sutea izan zen Nafarroa Behereko ikastola horretan eta laguntza eske ari dira ordutik. Anoetatik euren hondar aletxoa jarriko dute, Euskararen egunaren harira antolatutako ekitaldian.
Arratsaldea amaitzeko, Radio Revelde Covers taldearen kontzertua izango da Zimiterioan.