Sei gizonezko segalari gazte aritu dira lehian eguerdian jokatu den Gazteen II. Sega Sail Lehiaketan. Anoetan jokatuko da, zehazki Anoetatik Villabonara doan oinezkoen bidean. Segalariak bikoteka aritu dira eta bikote bakoitzak 600 metro koadro moztu behar izan ditu ahalik eta azkarren, baina txukuntasunari eutsita. Horretan azkarrenak izan dira Manex Olaiz eta Oier Mitxelena, 19 minutu eta 15 segundorekin amaitu baitituzte lanak.
Irabazleek atzetik izan dituzte Iñigo Etxabe belauntzarra eta Josu Mendizabal. Hauek 21 minutu eta 25 segundo behar izan dituzte lanak amaitzeko. Azkenak, berriz, Amaiur Arrospide leaburuarra eta Gorka Bildarratz tolosarra izan dira, 24 minutu eta 25 segundoko denborarekin.