Anoetako Udalak parke osasuntsua eraiki du Iturtxulo kaleko 2 eta 4 eraikinen arteko gunean. Parke honetako tresnen bidez ariketa fisikoa egiteko erraztasunak jarri nahi dituzte.
Neurtutako eta bakoitzaren ahalen araberako kirolaren bidez zahartze osasuntsua bultzatzea garrantzitsua dela uste du Anoetako Udalak, eta are gehiago, aire librean eta lagunartean egiten bada. Aurrerantzean gune hau elkartzeko, elkarri zaintzeko eta ariketa osasuntsuak egiteko eremua izango dela ziurtatu du udalak. Sei ariketa tresnaz osatuta dago parke osasuntsua.
