Anoetako Udalak 2024-2025 ikasturteko ikastaroetan izen emateko epea zabaldu du. Interesatuek ekainaren 28a baino lehen eman beharko dute izena, Anoeta.eus webgunean topatuko duten formularioa beteta.
Gaztetxoentzat bideratutako hiru ikastaro eskainiko dituzte Anoetan:
- Antzerki ikastaroa: Ixabel Agirresarobek emango du LH 1-5 mailetako ikasleentzat. Urritik maiatzera izango dira saioak, ostiralero 17:30etik 18:30era.
- Zirku tailerra: Xomorro taldearen eskutik LH 1-5 mailetako ikasleentzat. Azaroan hasita bi hilean behin, bigarren asteko larunbatetan izango dira ikastaroak 10:30etik 12:30era.
- Pintura ikastaroa: Zer egin taldeak LH 1-5 maila bitarteko ikasleentzat izango da eta urritik maiatzera, hilero laugarren asteko astelehenetan eskainiko dira saioak, 17:15etik 18:45era.