Larunbatean Auzolan eguna egin zuten Anoetako Udalak eta Herri Ikastolak elkarlanean. Kiroldegitik hasita Lasarbe errekaren inguruak garbitu zituzten ikastolako haurrek, baso eskolarako erabiltzen duten guneraino. Gune horretan segurtasun hesiak eta haurren bilgunea egiteko eremua prestatu dituzten.
Udal ordezkariek nabarmendu dutenez, «eguraldi ederrarekin, giro onean, auzolanean goiz ederra eta emankorra igarotzeko aukera izan zen».
Bezperan, San Isidro baserritarren egunaren harira, Auzolangiltza dokumentalaren emanaldia eskaini zuten Mikelasagasti auditorioan, lehenik, Anoetako Herri Ikastolako ikasleentzat, eta ondoren, udaletxeko pleno aretoan herritar guztientzat.
Argazkiak: Anoetako Udala