Maiatzeko azkeneko astean hasiko dira Anoetako jaiak, baina gaur izan dute lehen ekitaldia. Hain zuzen, Andoni Urkola eta Mikel Oiarzabalen omenezko txirrindulari lasterketa izan dute jokoan, berrogeigarrenez. Guztira, 63 parte hartzaile atera dira herriko sarrerako irteera puntutik, baina horietatik 39 txirrindulariek soilik amaitu dute proba guztiz.
Horiek, eskualdean zehar 102,5 kilometro osatu ondoren, Sortalde kaleko helmugan izan dute amaiera. Ampo taldeko Kepa Ormazabalek lortu du garaipena, bi ordu, 10 minutu eta 12 segundoko denborarekin. Minutu batetik gora atera dio Beñat Iñarra Ulma taldeko bigarren sailkatuari (02:11:24), eta hirugarren Iruki Donostialdea Bizikletan taldeko Unax Betelu izan da (02:12:30).