Anoetako Udalak 2024ko udal tasak onartu ondoren, hainbat hobari emango dizkie herritarrei. Mota askotako laguntzak izango dira, eta besteak beste, ondasun higiezinen gaineko zergan hobariak izango dituzte familia ugariek. Mugikortasun murriztua duten pertsonen ibilgailuentzat ere egongo dira salbuespenak eta trakzio mekanikoko ibilgailuen gaineko zergaren ordainketatik salbuesteko eskaera egiteko epea ere zabaldu dute udaletik. Hondakinen tasa ordaintzeko laguntzak ere emango ditu Anoetako Udalak.
Eskaera guztiak egiteko udaletxera jo beharko da eta informazio gehiago nahi duenak Anoeta.eus webgunean izango du.