Azaroaren 23an Anoetan estatuko administrazioarekin kudeaketak egiteko erabilgarriak diren ziurtagiri digitala eta sinadura elektronikoa banatuko dituzte, interesa duten herritarren artean. Espainiako gobernuaren Gipuzkoako ordezkaritzetako funtzionarioak izango dira Anoetako KZgunean, 10:00etatik aurrera.
Bizilagunek estatuko administrazioko langileen laguntzarekin, tramiteak online egiteko aukera ematen duten ziurtagiriak eskuratu ahal izango dituzte. Sarrera doan da eta bertaratzen direnek beren ordenagailu pertsonalarekin edo telefono mugikorrarekin joan daitezke, une berean zerbitzu guztietara iristeko ziurtagiri digitalak deskarga dezaten.
Administrazioa zugandik hurbil programa Espainiako Lurralde Politikako ministerioak sustatzen du eta helburua herritarrei administrazioarekin izapideak eta kudeaketak modu autonomoan egiteko beharrezko baliabideak ematea da. Ekimena 500 eta 8.000 biztanle arteko udalerrietan egiten da arrakala digitalarekin hausteko, eta herritarrek haien tramiteak "modu seguru, azkar eta eraginkorrean egin ahal ditzaten, batetik bestera ibili beharrik gabe".