Gaztetxearen 24. urteurrena ospatuko du maiatzaren 20an Anoetako Gazte Asanbladak eta horretarako ekimen ugari antolatu ditu.
Goizean patata tortilla lehiaketa egingo dute eta izen emateko zerrendak gaztetxean bertan eta Arkupe tabernan daude. Patata tortilla egiteko osagaiak gaztetxeak jarriko ditu eta talde bakoitzak arrautzak, zartaginak, sukaldeko tresnak eta sua eraman beharko ditu.
Arratsaldean, potea egingo dute herrian eta gaztetxean afaldu ondoren, Txirrisklas Gaua egingo dute. Kosmai Kosin taldearen kontzertua izango da eta ondoren DJ Ragen arituko da. Langabetuentzat sarrera 3 eurokoa izango da eta langileena, berriz, 5 eurokoa.
Anoetako Gaztetxearen XXIV. Urtemuga
- Maiatzak 20, larunbata
- 12:00. Patata tortila lehiaketa.
- 14:30. Bazkaria
- 21:30. Afaria.
- 23:00. Kontzertuak: Koskai Kosin eta DJ Rage.