San Joan egunean, Anoetan, erretiratuek bazkaria egingo dute ohitura duten bezala. Parte hartu ahal izateko honako baldintzak bete beharko dira: Anoetan erroldatuta egotea, jubilatu edo pentsioduna izatea eta 65 urtetik gorakoa izatea.
Anoetako Udalak adierazi duenez, ezkontideak ere joan daitezke bazkarira, baita aurretik aipatutako baldintzak bete ez arren, lehen joaten zen norbait alargun gelditu bada, hari ere onartuko zaio eskaera. Aurten 85 urte betetzen dutenek doan izango dute bazkaria.
Alkartasuna tabernan eman beharko da izena maiatzaren 26a baino lehen eta 10 euro ordaindu beharko dira. Ekainaren 24an 14:00etan izango da bazkaria Alkartasuna tabernan bertan.