Lizarbakarrera igo eta jaitsi, horixe zen lasterkariek egin beharrekoa Tolosaldeko GKSk antolatutako Anoetako Mendi Lasterketan. Denera 36 korrikalarik hartu dute parte eta horietatik hiru ziren emakumeak. 12 kilometroko ibilbidea osatu behar izan dute, 758 metroko desnibel positiboa eginez.
Jokin Tolosa izan da azkarrena helmugara iristen, ordubetearen azpitik buelta eginda, eta atzetik iritsi dira Lander Aizpuru eta Beñat Aldalur. Emakumeetan helmuga zeharkatzen lehena Saioa Zubillaga izan da, bigarren egin du Garazi Aranburuk eta hirugarren Lourdes Colomok.