Laudion eta inguruko mendietan jokatu zen proba. 1.700 metroko desnibel positiboa izan zuen, eta besteak beste, Goikogane, Mugarriluze, Kamaraka, Arrabatxu eta Alpitxu gailurrak igo behar izan zituzten parte hartzaileek. Emakumezkoetan, eskualdeko ordezkari bat izan zen podiumean; Soronea-Ammma taldeko Oihana Zubillaga anoetarra bigarren izan zen, 3.12.19ko denborarekin. Lehen postuan, Zubillagaren taldekide Irati Larrañaga usurbildarra sailkatu zen, 3.10.06ko denbora eginda. Hirugarren sailkatua ere Soronea-Ammma taldeko Larraitz Aragon durangarra izan zen, 3.18.25eko denborarekin.
Gizonezkoetan, berriz, Sergi Garcia izan zen garailea; 2 ordu, 28 minutu eta 30 segundo behar izan zituen proba bukatzeko. Marc Vizcaino helmugaratu zen bigarren postuan, 2.37.15eko denbora eginda. Hirugarren Josu Urrestarazu idiazabaldarra izan zen, 2.42.14ko denborarekin.