Azaroaren 30ean Anoetako udalaren ohiko osoko bilkuran aho batez onartu zuen udalbatzak 2023ko udal aurrekontua. 2.749.158 euroko aurrekontua izango du udalak datorren urtean eta horietatik 214.703 euro inbertsioetara bideratuko ditu.
Herriko elizaren berritze lanak diruz laguntzeko 50.000 euroko kreditu aldaketa bat ere adostu zuten zinegotziek azkeneko osoko bilkuran. Udal ordezkariek nabarmendu dutenez, hemendik gutxira sinatuko dute hitzarmena elizako ordezkariekin.
Anoetako plazan estalkia eraikitzeko obra-kontratuaren esleipen proposamena ere onartu dute osoko bilkuran.