Azaroaren 29an 'Don't be Dummy' bide-hezkuntza programa aurkeztuko dute Anoetan

Datorren asteartean, Anoetako Herri Ikastolako aretoan egingo dute saioa, euskaraz, 16:00etan hasita. DBHko 3. eta 4. mailako ikasleek parte hartuko dute.

Eusko Jaurlaritzako Segurtasun Sailaren Don’t be Dummy, Zuk ez duzu ordezkorik ekitaldi ibiltariek trafiko-istripuak saihesteko helburua dute eta Euskadiko ikastetxe ez-unibertsitarioetako gazteei zuzenduta daude. Jaurlaritzako kanpaina honetan, 15 eta 19 urte bitarteko gazteek hartzen dute parte.

Anoetako ekitaldian zenbait lagunen zuzeneko testigantzak entzuteko aukera egongo da: Mikel Zubeldiak (Tolosako suhiltzailea) eta Alaitz Arbillak (trafiko istripu baten ondorioz bizkarrezur-muineko lesioa duen neska) zuzenean eskainiko dute beraien testigantza, bertatik bertara. Bestalde, ekitaldian zehar testigantza gehiagoren bideoak ikusteko aukera egongo da: larrialdietan lan egiten duen medikua, trafiko-istripuek utzitako biktimak... «Lehenengo pertsonan kontatutako testigantza horien bitartez gazteen barnea mugitzea lortzen da; bizipen horiek oso hunkigarriak izaten dira eta gazteengan inpaktu handia edukitzen dute».
 
Orain arte, Araba, Bizkaia eta Gipuzkoako 60 udalerritan aurkeztu dute programa, eta guztira 157 saio burutu dituzte; horietan 170 ikastetxe ezberdinek hartu dute parte. Orotara, 35.000 ikusletik gora izan ditu Don’t be Dummy programak eta 101 lekuko inguru ausartu dira beraien esperientzia pertsonala kontatzera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!