Loatzo musika eskolako kideak kalera atera dira gaur, Anoetan. Musikarien festa izan ohi da azaroaren 22a. Tolosan Udal Musika Bandak kalejira eskainiko du 19:30etik aurrera.
Loatzo musika eskolakoak Zizurkilen izango dira bihar 19:00etan, etzi Villabonako musika eskolan 19:30ean eta ostiralean, Altzoko Batzarremuñon 18:30ean eta Alegiako plazan 16:30ean. Bestalde, Tolosako Musika Bandak kontzertua eskainiko du igandean, Udal Txistulari Bandarekin, Isidro Larrañaga Akordeoi Orkestrarekin eta Giro Arte Dultzaina taldearekin batera, Leidorren, 12:00etan hasita.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?