Bertso afari feminista antolatu du Anoetako Matraka talde feministak azaroaren 25erako. Maider Arregi eta Nerea Elustondo bertsolariak ariko dira Anoetako Kuku elkartean. Afalaurretik, ohi bezala, elkarretaratzea egingo dute herriko plazan.
"Herriko emakumeok berriz ere elkartzeko gogoz gaude, eta denok gonbidatzen zaituztegu", esan dute antolatzaileek. Izena emateko zerrendak Arkupe tabernan eta udal liburutegian egongo dira datozen egunotan..
