Auzo-bilera egingo du Anoetako Udalak Errotaldea auzoko herritarrekin. Aurretik egindako bilkurei jarraipena emango diete, eta, oraingoan, aurkeztu egingo dituzte irisgarritasuna hobetzeko aurreproiektuaren ezaugarriak.
Bilera udaletxeko pleno aretoan izango da ostegunean, azaroaren 17an eta 18:00etan hasiko da.
Tratamendu iragazgaitza
Tratamendu iragazgaitza aplikatzeko lanak egingo dituzte herriko plazako arkupeko espaloian eta Solkorre kaleko bi aldeetako espaloietan. Azaroaren 15ean eta 16an, asteartea eta asteazken gauean arituko dira, 23:00tatik 5:00etara. Lanek ez dute zaratarik aterako eta ez dute eragotziko oinezkoen pasabidea.