Mendi lasterkari anoetarrak 3 ordu, 32 minutu eta 2 segundo behar izan zituen 33 kilometroko ibilbidea osatzeko. Ainara Urrutia aretxabaletarrak irabazi zuen lasterketa, 3.24.04ko denborarekin, eta Irati Ortiz de Anda Martin lezamarra izan zen bigarren, 3.29.16ko denbora eginda.
Zubillagak sare sozialetan adierazi duenez, igandean ez zuen guztiz gozatu: «Ez zen egun onena izan; lan aste gogorra eta gero, gorputzak ez zuen behar bezala erantzun». Hala ere, pozik dago lortutako denborarekin.
Lasterketa honekin eman dio amaiera denboraldiari lasterkari anoetarrak. Atzera begira, «pozik» dago urtean zehar egindako lanarekin. Orain atseden hartu eta datorren urtera begira jarriko dela esan du: «helburu berriak pentsatzen hasiko naiz».
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!