Hainbat herritarrek Anoetako Udalari jakinarazi dute Lasarbe kalearen inguruan liztor beltzaren habia dagoela. Udalak jakinarazi du habiak bertan jarraitzen badu ere, desaktibatuta dagoela. Joan den astean, tratamendu biozida erabiliz desaktibatu zuten, beraz, jada ez dago liztorrik bertan.
Liztor beltza espezie oldarkorra da bertako erleentzat eta Anoetako Udalak herrian agertzen diren habiak deuseztatzeko lanak egiten ditu, Gipuzkoa Foru Aldundiak finkatuta duen protokoloa jarraituz.