Burdin Aroko Basagaingo herrixka gotortuan 1994tik ari da arkeologia lana egiten Aranzadi zientzia elkartea. Antolatutako auzolandegietan lortutako informazioa bertatik bertara jasotzeko aukera izan zuten anoetarrek aurreko larunbatean, indusketen zuzendari Xabier Peñalverren eskutik.
Iraila osoan zehar hainbat boluntario aritu dira indusketa lanetan eta aste honetan amaituko dute lana. Bitarte honetan, Anoetako herri ikastolako eta Villabonako Fleming herri eskolako ikasleen bisitak jasoko dituzte.
Argazkiak: Manu Odriozola