Duela hilabete batzuk herri sarrerako bidegurutzean biribilgunea jartzeko aukera aztertzeko eskatu zion Anoetako Udalak Gipuzkoako Foru Aldundiari. Azterketa teknikoa egin ondoren, Foru Aldundiak ezetza eman dio lotunea biribilgune bihurtzeko proposamenari.
Herri sarrerako bidegurutzearen egoera aztertuta, hainbat irtenbide aurreikusi ditu Aldundiko Bide Azpiegituretako Departamenduak, baina horietako bat ere ez omen da bideragarria. Azaldu dutenez, aztergai izan duten tartean izandako istripu-tasa aldez aurretik ikertu ondoren, azken urteotan elkarguneko bide-segurtasuna ez omen da arriskuan jarri, zuzenean lotuta egon daitekeen istripu bat bakarrik gertatu dela-eta.
Hori dela medio, Aldundiak uste du biribilgune bat jartzeak ez lukeela handituko errepidearen segurtasun-tasa. Biribilgunea jartzeari ezetza eman arren, udalak azterketarekin jarraitzeko eskatu dio Foru Aldundiari, eta ikertzeko ea beste modurik ba ote den herri sarrerako bidegurutzeko segurtasuna hobetzeko.
Ezetza eman dio Gipuzkoako Foru Aldundiak Anoetako herri sarreran biribilgunea jartzeko proposamenari
Anoetako Udalak azterketarekin jarraitzeko eskatu du, bidegurutzeko segurtasuna hobetzeko moduak ikusteko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!