Astelehenean egindako osoko bilkuran, sexu askapenaren nazioarteko egunaren bueltako mozioa onartzearekin batera, herriko sarrerako errepideen bidegurutzean biribilgunea jartzeko eskaria luzatzea erabaki du udalbatzak.
Ekainaren 28a sexu eta genero askapenaren nazioarteko eguna izanik, Anoetako Udalak bat egiten du LGTBIQA+ komunitatearen aldarrikapenekin. "Aldarrikapen eguna ez da gaur bakarrik, egunero egin beharreko lanketa da hau ere eta udalak gogorarazi nahi du herrian ez dela onartuko inolako erasorik".
Atzo bildu zen udalbatza, eta besteak beste, LGTBIQA+ kolektiboaren aldeko mozioa onartu zuten. Horrez gain, beste hainbat gai ere landu zituzten, horien artean, Anoetako sarrerako errepideen bidegurutzean biribilgunea jartzeko eskaria eta tokiko ekintza jasangarria eta 2030 Agenda Euskadin bultzatzea onartzeko akordioa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
