Aurten ere, Anoetako Udalak eta Anoetako Herri Ikastolak Hizki-Marrazki idazlan marraztuen lehiaketa antolatu dute elkarlanean. Zortzi mailatako ikasleek hartu dute parte lehiaketan (LH3, LH4, LH5, LH6, DBH1, DBH2, DBH3, DBH4) eta maila bakoitzeko bi sari eman dira.
Sari banaketa ekitaldia, ostiralean egingo dute, ekainaren 10ean:
- 10:00-11:00. Ipuin kontaketa Anoetako Mikelasagasti auditorioan, Kontukantoi taldearen eskutik (HHko eta LH1eko ikasleentzat).
- 11:30-12:30. Sari banaketa ekitaldia, Anoetako ikastolako borobilean (LH2-DBH4 bitarteko ikasleentzat). Besteak beste, Kontukantoi taldeak ipuin-kontaketa ilustratua egingo du.