Anoetako udalekuen lehenengo txanda ekainaren 27tik uztailaren 8ra izango da; eta bigarrena, berriz, uztailaren 11tik 22ra. Dagoeneko izena eman dezakete bai udalekura joango diren haurrek, bai begirale izan nahi dutenek; begiraleentzat izena emateko azken eguna igandea, hilaren 29a, izango da; eta haurrentzat, berriz, datorren asteartea, hilaren 31a.
HH1 eta LH6 maila bitarteko haurrentzako izango dira udalekuak eta izen ematea ikastolaren bitartez egingo da: haur guztiei izen emate orria banatuko zaie, eta ondoren, irakasleari eman beharko diote. Herriko liburutegian ere izango dira izena emateko orriak; horiek liburutegian entregatu beharko dira beteta. Udalekuei buruzko informazioa jasotzeko guraso bilera ekainaren 20an izango da auditorioan eta bi txanda egingo dituzte: 17:30ean euskaraz eta 18:00tan gazteleraz.
Begirale izan nahi dutenek, berriz, curriculuma bidali beharko dute aratz@loiri.eus helbidera; eta izena emateko azken eguna maiatzaren 29a izango da.