2022-2023 ikasturtean Anitz dantza taldeak kudeatuko du dantza eskola eta kuotak dantza taldeak kobratuko ditu zuzenean, eta ez Anoetako Udalak. Ekarpena 20 euro igoko da datorren ikasturtean, irakasleen kontratazioaren gastuei aurre egiteko. Dantza taldeko kideek aipatu dutenez, diru sarrera horiekin nahikoa ez denez, udalak diru laguntza emango dio Anitz taldeari.
Kuota urriko lehen astean kobratuko zaie partaide guztiei berriei izan ezik. Berriek urria izango dute probatzeko eta azaroko lehen astean kobratuko zaie. Behin ikastaroa hasita, dantza taldekoek jakinarazi dute ez dela kuotarik bueltatuko. Hauek dira matrikulazio prezioak:
- HH3tik LH1era: 85 euro astean ordubete
- LH2tik LH5era: 100 euro astean ordu eta laurden.
- LH6tik DBHra: 115 euro astean ordu eta erdi.
- Batxilerretik gora: 125 euro astean ordu eta erdi.
Haurren kasuan, familia ugaria edo gazte txartela aurkezten dutenek %25eko hobaria izango dute kuotan. Helduen kasuan, berriz, familia ugariek, gazte txartela aurkezten dutenek eta langabetuek %25eko beherapena izango dute matrikulan.
Izen emateak maiatzaren 27ra arte egin daitezke, Anitz dantza taldearen lokalean edota udal liburutegian. Epez kanpo izena ematen dutenek plaza ez dute ziurtatuta izango.