Zabalik da epea izena emateko Abraham Olano kiroldegiko hirugarren hiruhileko ikastaroetan.
Lehentasuna izango dute ikastaroetako partaideek. Horiek dagoeneko eman dezakete izena, eta martxoaren 15era arte izango dute aukera.
Ondoren, Anoetan erroldatutakoen txanda izango da, hain zuzen, martxoaren 16etik 25era. Izena ematen hurrengoak abonatuak izango dira, martxoaren 26tik apirilaren 1era eta azkenik, deialdi irekia egingo da gainerako guztientzat, apirilaren 2tik 9ra.
Helduei bideratutako ikastaroak honakoak dira: tonifikazioa, cycling, zumba eta cross training. Haurrei bideratutakoak, berriz, gimnasia erritmikoa eta Goazen! dantza.