Arratsaldean jokatu dute Binakako Pilota Txapelketaren barruan, sailkapen ligaxkako partida Tolosak eta Ezkurdiak. Urrutikoetxea eta Arangurenen aurka gailendu dira Zallan, 22 eta 20ko emaitzarekin. Honenbestez, txapelketaren hurrengo faserako sailkatu da pilotari anoetarra.
Sailkapeneko azken postuan egon dira ia txapelketa osoan zehar, lehen zatian garaipen bakarra lortuz. Bigarren zatian joko maila hobetu eta azkenean sailkatzea lortu dute Ezkurdiak eta Tolosak.
Peña II.ak eta Albisuk ziurra zuten kanporaketako partida jokatzea, baina hala ere, gaurko partida irabazi dute Irribarria eta Rezustaren aurka Iruñean, 22 eta14ko emaitzarekin. Gaurko partida irabazita, bosgarren postua bereganatu dute.