Anoetako udaleko osoko bilkura egingo dute bihar, 19:00etan hasita, udaletxeko bilkura aretoan. Hainbat gai jorratuko dituztela aurreratu dute udal arduradunek.
Alde batetik, Tolosako Udalaren eta Anoetako Udalaren arteko lankidetza hitzarmena onesteko proposamena eztabaidatuko dute udal ordezkariek, laguntza teknikoak uzteko udal-programa helburu duena.
Bestetik, 2022-2024 urteetako diru laguntza plan estrategia behin-behinean onesteko proposamenaz ariko dira eta itxitako ekitaldietako eskubideen baja egiteko proposamena aztertuko dute.