Erabili ahal izateko segurtasun-protokoloa diseinatu dute eta uneoro errespetatu beharko dela jakinarazi du Anoetako Udalak.
Protokoloan aipatzen dituzten neurriak Alkartasuna biltokian antolatzen diren jarduera zein ekintza guztietan aplikatu beharko dira. Hala nola, bertaratzen direnek eta jardueretan zein ekintzetan parte hartzen duen orok bete beharko ditu. Segurtasun neurrien artean daude, besteak beste, musukoa erabiltzea, eskuen higienea, lokalaren higienea eta aireztatzea eta ekintzen iraupena.