Uztailak 8an balorazio-bilera irekia egingo dute erabilera anitzeko gelan, 18:00etan. Bilera horretan azken bi hilabeteetako herriko kultur egitaraua baloratuko dute, eta herritar guztiek iritzia emateko eta parte hartzeko aukera izango dute.
Aurten herriko ohiko festarik ospatu ezin zela-eta, udalak kultur egitarau berezia prestatu zuen maiatzerako eta ekainerako. Agenda hori denetariko kultur ekitaldiekin osatu zuten, besteak beste, tailerrak, haurrentzako zein helduentzako ikuskizunak, kontzertuak, antzerkiak eta hitzaldiak. Bi hilabete horiek pasata, egitarauaren balorazioa herritarrekin batera egin nahi du Anoetako Udalak, haien iritziaren garrantzia nabarmenduz.