Zaintza txokoak bi txanda edukiko ditu: lehena, ekainaren 28tik uztailaren 9ra; eta, bigarrena, uztailaren 12tik 23ra. Ordutegi bera izango dute bi txandek: 10:00etatik 13:00era. Hilabete osoko prezioa 100 eurokoa da, eta txanda bakarrekoa, berriz, 60 eurokoa.
Izen-emate orriak liburutegian daude, handik hartu eta bertan entregatu beharko dira bete ondoren. Familia ugariek %25eko murrizpena izango dute; era berean, murrizpen bereziak izango dituzte diru sarrera baxuak dituztenek (murrizpen bakarra aplikatuko da; erabiltzailearentzat egokiena dena).
Zalantzak argitzeko bilera egingo dute haurren gurasoekin, ekainaren 17an, 17:00etan, Mikelasagasti auditorioan.