Aurten ere ez da ohiko festarik izango Anoetan. Horren partez, ordea, egitarau berezia prestatuko dute maiatzean eta ekainean, eta bilera bat egingo dute apirilaren 15ean.
Helburua kultur-agenda oparoa osatzea dela aipatu du Pello Estanga herriko alkateak: "Ohiko festarik ez da izango, baina, zerbait berezia prestatu nahi dugu ilusioa berpizteko. Bilera irekia izango da, zenbat eta jende gehiagoren iritzia eduki, orduan eta aberatsagoa izango baita".
Bilera irekia apirilaren 15ean izango da, eta bi txanda egingo dituzte: bata 18:00etan hasiko da, eta haurrentzako ekintzen inguruan hitz egingo dute; bestea, berriz, 19:00etan hasiko da, eta jarduera orokorrak izango dituzte hizpide. Biak ala biak Anoetako udaletxean egingo dituzte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
