Udaberriko tailerrak antolatu ditu Anoetako gaztelekuak. Hiru euroko prezioa ordaindu beharko da ikastaro bakoitzeko.
Hau da eskaintza:
Buztinarekin sortzen
Gazteria suspertzaileak eskainiko du HH2 (11:30 - 12:30) eta HH3 (10:00 - 11:00) mailako ikasleentzat apirilaren 6an gaztelekuan. Zikintzeko arropa eraman beharko da.
Kimikariak
Kimikari elkarteak eskainiko du, LH1, LH2 eta LH3ko ikasleentzat. Apirilaren 7an, gaztelekuan izango da 10:00etatik 12:00etara. Izena ematen duten lehen 20 pertsonek izango dute lehentasuna.
Sekretuaren bila
Gazteria suspertzaileak eskainiko du saioa LH4, LH5 eta LH6ko ikasleentzat. Apirilaren 8an izango da gaztelekuan eta izen emateen arabera erabakiko da ordutegia. Sei pertsonako taldeak egingo dira eta horren arabera ordutegi ezberdina ezarriko zaio talde bakoitzari.
Bubble balls
Izen bereko elkarteak eskainiko du saioa DBHko nerabeentzat. Apirilaren 9an izango da saioa kiroldegian. Seiko taldeak egingo dira eta ordutegi ezberdina ezarriko zaio talde bakoitzari. Talde bakoitzak ordubeteko saioa egingo du.