Anoetan 'Bultza euskaltegiak, Bultza euskara' ekimenarekin bat egin dute eta martxoaren 28rako egun berezia ari dira antolatzen. Besteak beste erakusketa bat antolatu nahi dute.
Korrika ez antolatzeak eragindako kolpeari erantzuteko, Bultza euskaltegiak, Bultza euskara ekimena jarri du abian AEK-k, eta martxoaren 28an herri guztietan ekitaldiak antolatu nahi ditu.
Anoetan ere egun berezi bat antolatzen ari dira eta Korrikako argazkien eta petoen erakusketa antolatu nahi dute. Urte hauetako argazki edo petoak dituenak antolatzaileei jakinarazi beharko die iratxuloeuskarataldea@gmail.com helbidean, martxoaren 22a baino lehen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!