Askotariko gaiak jorratuko dituzte egunotan Anoetan, herriko eragileek elkarlanean antolatu dituzten ekintzetan. Besteak beste, COVID-19aren pandemiak euskal presoen egoera larriagotu egin duela nabarmen du dute eragileek: "Asko eta asko bisitarik gabe eratu dira edo zailtasunak dituzte senideen bisitak jasotzeko. Gainera diru sarrerak gutxitu egin zaizkie, horregatik inoiz baino garrantzitsuagoa da elkartasuna".
Gaiaren inguruan hitz egiteko abenduaren 28an mahai inguru bat izango da eta horrekin batera egunotan bildutakoa Hatortxu Rock jaialdiko antolatzaileei helaraziko dietela jakinarazi dut Anoetako herri eragileek. Frontoian, telematikoki jarraituko dute aurtengo musika jaialdia anoetarrek.
Abenduak 23, asteazkena
18:30. Ezpatari nagusitzen zaio herria. Burgos 50 hitzaldia Mikelasagasti auditorioan.
Abenduak 26, larunbata
Hatortxu Rock jaialdiaren jarraipena Anoetako frontoian.
16:15. Ate irekiera.
16:30. Elkarrekin edozer dugu posible dokumentalaren emanaldia.
18:00. Hatortxu Rock.
20:00. Itxiera.
Sarrerak momentuan erosi ahal izango dira. Landunek 12 euroan, langabe eta ikasleek 8 euroan.
Abenduak 27, igandea
18:30. Mendebaldeko Saharari buruzko Ocupacion S.A. filma gaztetxean.
Abenduak 28, astelehena
18:30. Eragileen lokalean mahai ingurua: Zein eragin izan du COVID-19ak preso eta senideengan?.
Abenduak 29, asteartea
18:00. Migrazio prozesua eta egokitzapena ikuspuntu feministatik aztertuko dute balio anitzeko gelan.
Abenduak 31, osteguna
19:00. 'Euskal Presoak Etxera' lelopean elkarretaratzea plazan.
Urtarrilak 2, larunbata
18:30. Karea taldearen kontzertua gaztetxean.
Urtarrilak 3, igandea
11:00. Mural margoketa feminista.
Urtarrilak 9, larunbata
17:30. 'Bidea Gara' mobilizazioa.
Urtarrilak 10, igandea
18:30. SarraBete taldearen kontzertua Mikelasagasti auditorioan.