Euskal Jaiaren hitzorduari eutsiko diote Anoetan

Urriaren 8tik 11ra egingo da Anoetan XIV. Euskal Jaia. Igandean, urriaren 11n, herriko baserritar eta artisauen azoka egingo dute plazan.

COVID-19aren krisiak bereziki kolpatu du lehen sektorea eta Euskal Jai batzordeak, Anoetako Udalaren babesarekin, herriko baserritar eta artisauak babestu nahi ditu. Horregatik, elkar zaintzeko neurriak hartuta, aurten ere, Euskal Jaiaren egitarauari heldu dio talde antolatzaileak, azokak eta kultur ekitaldiak seguruak direla aldarrikatuz.

Hona hemen egitaraua:

URRIAK 8, OSTEGUNA

18:00. Pirritx, Porrotx eta Marimotots kiroldegian.

URRIAK 9, OSTIRALA

19:00. Raitx taldearen kontzertua plazan.

URRIAK 10, LARUNBATA

18:30. Ikastolan bertso saioa: Andoni Egaña, Ane Labaka, Beñat Gaztelumendi, Nerea Elustondo, Haritz Mujika eta Oihana Iguaran.

URRIAK 11, IGANDEA

10:00-14:00. Herriko baserritar eta artisauen azoka plazan.

18:00. Arineketan dantza ikuskizuna plazan.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!