Genero ikuspegian kokatuz egoeraren analisia eta hausnarketa egin dute hirugarren saio honetan. Emakumeek egunerokoan bizi duten egoera azalera ekarri duela adierazi du bertan psikologoak, eta egoera honetan zaintza lanen zamari eustearen zailtasuna azpimarratu du, emakumeengan geratzen dena berau.
Aurrera begirako erronkak ere ekarri dira mahai gainera, eta batez ere, egoerari eusten eta sostengu izan diren emakume horiek behar duten laguntza eta saretzea azpimarratu dituzte.
Sheila Melcon Lopez psikologo eta genero indarkerian adituarekin hitz egin dute Esther Iztueta eta Saioa Tolosa zinegotziek. Egoeraren analisia egiteko eta aurrera begirako erronkez hausnartzeko "aukera ona" izan dela azpimarratu dute.