Icebergaren punta besterik
ez da etorri zaiguna.
Covid hogeia, hogeita bata…
izango dira hurruna.
Nahiz pandemian txertoan bila
pasatu gau ta eguna.
Txertoa beti existitu da;
da bioaniztasuna!
Geronek hautsi degun artean
leial babestu gaituna.
Zein da honen erruduna?
Ta gure etorkizuna?
Ispilu batek emango digu
guzti honen erantzuna:
Gizakia da bere burua
galbidean jarri duna.